طريقة رفع الملفات والصور وانشاء رابط على اجهزة الاندرويد

[size=18]السلآم عليكم ورحمة الله وبركآته

آسعد الله صبآحكم / مسآئكم
كيف حآل الجميع ..؟؟ عسآكم مرتآحين وبآحسن حآل يآرب

آحوآل الطقس ويآكم ؟؟

يلآ مو موضوعنه

اليوم جآي بموضوع ثآني .. بسيط وسهل ومفيد لكل مستخدمين الآندرويد
اليوم حبيت نتعلم شلون نرفع تطبيق او برنآمج من الجهآز آو صورة او اي ملف
ونسوي على شكل رآبط .. ونتشآركه ويه غيرنه
آعرف الموضوع مبين شوية معقد

بس كل اللي نحتآجه هو برنآمجين
الآول آسمه MyAppSharer آضغط على آسمه وحمله
والثآني آسمه Box بس هذآ لتضغظ على آسمه آضغط هنا

هايه صور التطبيقين

هسه آذا تريد ترفع اي تطبيق آو ملف موجود على جهآزك وتريد تسوي منه رآبط مثلاً
وتريد تنطي لصديق ثاني .. آو تحطه ع النت علمود آحد ينصبه على جهآزه

آول شي تسويلك حسآب على برنآمج البوكس علمود تكدر تفتحه يَ معلم

رآح تطلعلك هالنآفذة وآمليها حسب المطلوب

وتضغط على Register آو تسجيل

بعدين تفتح آيميلك لتفعيل حسآبك

وآتذكر لآزم تسوي هالخطوة علمود يشتغل البرنآمج عندك

بعدين تفتح البرنآمج وتسجل دخول طبيعي ..

هسه ترجع على برنآمج الـ MyAppSharer
رآح تطلع يمك التطبيقآت اللي منصبهآ على جهآزك .. مثل الصورة

مثل مشايفين اكو خيارين آشرت عليهم بالاحمر

الآول آسمه Link وهذآ ترفع بيه الصور , مقاطع الفيديو , الاغاني والملفآت الصوتية

وتحصل اللينك او الرآبط مباشرةً

آما الثآني اللي هو الـ APK فهذآ اللي نرفع عليه التطبيقآت والبرآمج ..

رآح نختآر هسه آي برنآمج موجود ع الجهآز

مثل ما تشوفون بالخطوآت

1 - تخلي الصيغة APK آذا كان تطبيق و Link آذا صور آو غيرهآ

2- تختآر التطبيق آو الملف

3- تختآر رفعه على الـ Box

4 - تضغظ على Upload آو رفع

5 - رآح تشوف آنه الملف رُفع بنجآح

هسه نروح نفتح برنآمج الـ بوكس Box

رآح نشوف الملف اللي رفعنآه

نضغط عليه

رآح تطلعلنه هآي الصفحة
اضغط على Share وغلس ع البقية

رآح يطلعلك خيآرين
يآ أما تنسخ الرآبط
آو ترسله

آني ضغطت آول شي على آرسال الرآبط

طلعتلي البرآمج اللي عندي ع الجهآز
وآني بكيفي آختآر وين آرسله
بس مرسلته لآحد و

نجي نجرب ننسخ الرآبط يعني نضغط على Copy Link
بدآل ما ضغطنآ آول مرة على Send Link
اوتماتيكياً رآح ينسخ الرآبط عندك

حبيت ترسله لصديق حتى ينزل البرنآمج
تروح على برنآمج الـ kik آو الفآيبر مثلاً وتنطي Paste

ومثل مشآيفين الرآبط صار موجود

وهذآ كآن كل اللي بالموضوع

آن شآء الله مآكون دوختكم لآن آعرف بروحي آحجي هوآية
وآن شىء الله تكونوا آستفآديتوآ من الشرح ومجآن صعب

واعذروني تره سويت الموضوع وآني فآتحة تك عين
وتكدرون تشوفون السىآعة بيش جآنت من الصور

واخيراً اتركم بحفظ الرحمن
والسلآم عليكم

~
[/size]